Renato Sanches ចុះកុងត្រាជាមួយក្រុម PSG រយៈពេល៥ឆ្នាំ

ខ្សែ​បម្រើ Renato Sanches បាន​ចុះ​កុងត្រា​រយៈពេល​៥​ឆ្នាំ​ជាមួយ​ក្លិប​ជើង​ឯក​បារាំង​ Paris St-Germain រហូត​ដល់​ឆ្នាំ​២០២៧។

កីឡាករ​វ័យ​២៤​ឆ្នាំ​ចូលរួម​ជាមួយ PSG ផ្ទេរ​ពី​ក្លិប Lille ដែល​ជា​កន្លែង​គេ​បាន​ឈ្នះ​ពាន​រង្វាន់​ Ligue 1 កាល​ពី​រដូវ​កាល​២០២០-២១។ PSG បាន​ទិញ Sanches ក្នុង​តម្លៃ​ខ្លួន​១៥​លាន​អឺរ៉ូ​។ កីឡាករ​សញ្ជាតិ​ព័រទុយហ្គាល់​​រក​បាន​៦​គ្រាប់​ក្នុង​ការ​បង្ហាញ​ខ្លួន​៩០​ប្រកួត​​ឲ្យ Lille បន្ទាប់​ពី​ចុះ​កុងត្រា​ផ្ទេរ​ពី Bayern Munich កាល​ពី​ឆ្នាំ​២០១៩។

Sanches ធ្លាប់​មាន​ប្រវត្តិ​ខ្ចី​ជើង​មក​កាន់​ក្រុម Swansea City ក្នុង​រដូវ​កាល​២០១៧-១៨ អំឡុង​ពេល​ជា​កីឡាករ​របស់ Bayern។ Sanches ធ្លាប់​ធ្វើ​ការ​ជាមួយ​អ្នក​ចាត់​ការ​ថ្មី​របស់ PSG​ លោក Christophe Galtier អំឡុង​ពេលវេលា​​របស់​ពួក​គេ​ជាមួយ​គ្នា​នៅ​ក្លិប Lille។

គេ​គឺ​ជា​​កីឡាករ​ទី​៤​ដែល PSG ទិញ​ចូល​ក្នុង​រដូវ​ក្ដៅ​នេះ បន្ទាប់​ពី​ការ​មក​ដល់​របស់​ខ្សែ​ប្រយុទ្ធ​បារាំង Hugo Ekitike, ខ្សែ​បម្រើ​សញ្ជាតិ​ព័រទុយហ្គាល់​ Vitinha និង​ខ្សែ​ការពារ Nordi Mukiele៕

Renato Sanches បានសម្រេចចិត្តផ្លាស់មកលេងនៅក្រុម PSG ជាមួយកុងត្រាដល់ទៅ៥ឆ្នាំឯណោះ បន្ទាប់ពីចាកចេញពីក្រុម Lille ។

កីឡាករវ័យ២៤ឆ្នាំនេះរកបាន៦គ្រាប់ក្នុងការបង្ហាញខ្លួន៩០ប្រកួតឱ្យក្រុម Lille គិតចាប់តាំងពីឆ្នាំ២០១៩មក។ កីឡាករព័រទុយហ្គាល់រូបនេះ សម្រេចចិត្តមកលេងនៅក្រុម PSG ក៏ព្រោះតែរូបគេធ្លាប់ធ្វើការជាមួយអ្នកចាត់ការChristophe Galtier ម្ដងមកហើយ អំឡុងពេលលោកដឹកនាំក្រុម Lille ដែរនៅឆ្នាំ២០២១កន្លងទៅ។

Sanchez នឹងក្លាយជាកីឡាករទី៤ដែលក្រុម PSG នាំចូលបន្ទាប់ពីខ្សែប្រយុទ្ធ Hugo Ekitike ដែលខ្ចីជើងពីក្រុម Reims មក ខ្សែបម្រើ Vitinha ទិញពី Porto មកងនិងខ្សែការពារបារាំង Nordi Mukiela ពីក្រុម RB Leipzig មក៕ព័ត៌មានកីឡាបាល់ទាត់ថ្មីៗ