Leboeuf ថា​ ៣ ក្លឹប​នេះ ដឹង​តែ​មាន ១ ហើយ​ នឹង​លើក​ពាន Champions League ២០២២

ក្លឹប​តោ​ខៀវ Chelsea និង PSG នៅ​តែ​ត្រូវ​បាន​អ្នក​វិភាគ​ជា​ច្រើន​មើល​រំលង សម្រាប់​ក្រុម​ដែល​សង្ឃឹម​ឈ្នះ​ពាន Champions League រដូវ​កាល ២០២១/២២ នេះ។ បើ​ទោះ​បី​ PSG សង្ឃឹម​អាច​ឡើង​ទៅ​វគ្គ​បន្ត ក៏​ដូច​គ្នា​នឹង Chelsea តែ​សម្រាប់​លោក Frank Leboeuf បាន​មើល​ឃើញ​ក្លឹប ៣ ផ្សេង​ឯ​ទៀត។

នៅ​បទសម្ភាសន៍​កាល​ពី​ពេល​កន្លង​ទៅ អតីត​កីឡាករ​ជើង​ចាស់​ខាង​លើ និយាយ៖ ខ្ញុំ​ជឿ​ថា Liverpool, Man City ឬ Bayern Munich ទាំង​ ៣ នេះ នឹង​មាន​មួយ​អាច​លើក​ពាន​រដូវ​កាល​ ២០២១/២២”។

លោក​បន្ត៖ “Man City ពួក​គេ​មាន​ឆន្ទៈ​ខ្ពស់​ណាស់ ក្នុង​ការ​ចង់​ឈ្នះ Champions League ហើយ​បើ​សួរ​អ្នក​គាំទ្រ​រវាង​ពាន PL និង UCL ក៏​ដឹង​ពួក​គេ​រើស​យក​ពាន​អឺរ៉ុប​ដែរ រី​ឯ Liverpool យើង​មើល​ប្រវត្តិសាស្រ្ត​កន្លង​មក​របស់​ពួក​គេ គឺ​ល្អ​ជាង បើ​ធៀប​នឹង Chelsea ដូច្នេះ​យើង​មិន​អាច​មើល​រំលង Liverpool បាន​ឡើយ”។

បញ្ជាក់​ថា ចំណោម​ក្លឹប​ទាំង ៣ ដែល Frank បាន​លើក​ឡើង គឺ​មាន​តែ City មួយ​ប៉ុណ្ណោះ ដែល​មិន​ទាន់​ស្គាល់​រសជាតិ​ឈ្នះ UCL ខណៈ​ដែល Liverpool និង Bayern Munich សរុប​លើក​បាន ៦ លើក​រួច​ទៅ​ហើយ៕

Liverpool បើ​ទោះ​បី​ចាញ់ ០-១ នៅ​ជើង​ទី ២ ទល់ Inter Milan ក៏​ពួក​គេ​នៅ​តែ​អាច​ឡើង​ទៅ​វគ្គ​បន្ត ព្រោះ​កាល​ពី​ជើង​ទី ១ ក្រុម​បាន​យក​ឈ្នះ ២-០ ពោល​សរុប​ចំនួន​គ្រាប់​បាល់ គឺ​ហង្ស​នាំ​មុខ។ យ៉ាង​ណា​មើល​តាម​ការ​លេង​យប់​មិញ ល្មម​ក្រុម Jurgen Klopp បុ.ក​ពោះ​ដែរ ប្រសិន​ជា​ត្រូវ​លេង ១១ នាក់​ស្មើ​ដល់​ចប់ ៩០ នាទី។

គ្រាប់​បាល់ Inter ធ្វើ​បាន កើត​ចេញ​ពី​កីឡាករ Lautaro Martinez នៅ​នាទី ៦១ តែ​ស្តាយ​រំលង ២ នាទី​បន្ទាប់ Alexis Sanchez ក៏​ទទួល​បាន​កាត​លឿង​ទី ២ ស្មើ​នឹង​កាត​ក្រហម ១ នាំ​ឲ្យ​សមាជិក​ក្រុម​សល់​តែ ១០ រូប ទល់ ១១។ ការ​ប៉ះ​ទង្គិច​រវាង​កីឡាករ​ក្រុម​ភ្ញៀវ និង​ម្ចាស់ផ្ទះ តាម​ការ​យល់​ឃើញ​របស់​លោក Arsene Wenger បាន​និយាយ​ចំៗ​ថា Fabinho គេ​លេង​ល្បិ.ច គេ​មាន​ចេតនា ចង់​ឲ្យ Sanchez បាន​កាត​ក្រហម។

អតីត​គ្រូ Arsenal និយាយ​ប្រាប់​ beIN Sports បែប​នេះ៖ “Fabinho ទង្វើ​របស់​គេ គឺ​ស្ថិត​ត្រង់​ចន្លោះ​នៃ​ភាព​ឈ្លាសវៃ និង​ល្បិ.ច ដោយ​ខ្ញុំ​ដឹង​ថា វា​ឈឺ​ចាប់ ពេល​ដែល​ទទួល​ការ​ប៉ះ​ពី​ Sanchez ហើយ​នោះ​ក៏​មិនមែន​ការ​សម្តែង​ដែរ តែ​ខ្ញុំ​ជឿ​ថា Fabinho ប្រហែល​គេ​អាច​បន្ថែម​ល្បឿន​ជាង​នេះ ដើម្បី​ឲ្យ​ផុត​ការ​ប៉ះ​ទង្គិច​គ្នា តែ​នេះ​គេ​ឈ្លាសវៃ គេ​នាំ​ឲ្យ​មាន​ការ​ពិ.ន័យ​កើត​ឡើង គ្រាន់​ថា​បើ​យើង​មើល​ទៅ Sanchez គឺ​គេ​ប៉ះ​បាល់​មុន​ហើយ។

ដូច​គ្នា​ទៅ​នឹង Rio Ferdinand ក៏​និយាយ​ដែរ​ថា៖ “ខ្ញុំ​មើល​ឃើញ Sanchez គេ​ប៉ះ​បាល់​មុន​ហើយ ដោយ​វា​មិន​សម​ទេ ដែល​អាជ្ញាកណ្តាល​ផ្តល់​កាត​ឲ្យ​គេ វា​ជា​រឿង​មិន​គួរ​កើត​ឡើង​ទេ ចំពោះ​ការ​ពិន័.យ​កាត​លឿង​មួយ​នោះ៕ព័ត៌មានកីឡាបាល់ទាត់ថ្មីៗ