Sane បែរ​ចង្អុល​ក្លឹប ២ នេះ​ដែល​នឹង​លើក​ពាន UCL

មិន​ចុច​ឈ្មោះ PSG ឬ Real Madrid តែ Sane បែរ​ចង្អុល​ក្លឹប ២ នេះ​ដែល​នឹង​លើក​ពាន UCL

ខ្សែ​ប្រយុទ្ធ​នៃ​ក្លឹប Bayern Munich គឺ Leroy Sane ពុំ​បាន​ជ្រើសរើស​ក្លឹប​ការពារ​ជើង​ឯក Chelsea ឬ​ក្លឹប​ឈ្នះ​ពាន​ច្រើន​បំផុត​គឺ Real Madrid ជា​បេក្ខភាព​សង្ឃឹម​ខ្ពស់​ប្រចាំ​រដូវ​កាល ២០២១/២២ នេះ​ទេ ផ្ទុយ​ទៅ​វិញ​បាន​ចង្អុល​ឈ្មោះ​ក្លឹប ២ ផ្សេង​ទៀត​នៅ​លីគ​កំពូល​អង់គ្លេស។

នោះ​គឺ Liverpool និង Manchester City។ បញ្ជាក់​ហង្ស​ទើប​តែ​យក​ឈ្នះ Inter Milan បាន​ឆ្ពោះ​ទៅ​វគ្គ ៨ ក្រុម ស្រប​ពេល​ដែល City នាំ​មុខ​មុន​លើ Sporting ៥-០ នៅ​ជើង​ទី ១ ហើយ​ជើង​ទី ២ យប់​នេះ សង្ឃឹម ៩០ ភាគរយ​ហើយ​នឹង​ឡើង​ទៅ​វគ្គ​បន្ត។

តាម​ការ​លើក​ឡើង​របស់ Sane ប្រាប់​ទៅ BamS៖ “ខ្ញុំ​សុំ​ជ្រើស​យក Liverpool FC និង Manchester City បើ​យើង​មើល​របៀប​ដែល​ពួក​គេ​កំពុង​លេង​សព្វថ្ងៃ​នេះ”។ គួរ​ឲ្យ​ដឹង​ថា Bayern ​ឯ​ណេះ​វិញ ដែល​ជា​ម្ចាស់​ជើង​ឯក​ជំនាន់​ឆ្នាំ ២០២០ ក៏​ទើប​តែ​បាន​ឡើង​ទៅ​វគ្គ​បន្ត​ដែរ ក្រោយ​លុត RB Salzburg ៨-២ សរុប​ទាំង​ពីរ​ជើង។

សម្រាប់​ការ​ចាប់ឆ្នោត​វគ្គ ៨ ក្រុម​ នឹង​ធ្វើ​ឡើង​នៅ​ថ្ងៃ​ទី ១៨ មិនា ឆ្នាំ ២០២២ ហើយ​ច្បាប់​នៃ​ការ​ចាប់ឆ្នោត​សារ​នេះ គឺ​មិន​មាន​ការ​ខណ្ឌ​មិន​ឲ្យ​ជួប​គ្នា​រវាង​ក្លឹប​រួម​លីគ ឬ​រួម​ប្រទេស​អ្វី​នោះ​ទេ ពោល​ចាប់​ប៉ះ​នរណា ត្រូវ​លេង​ទល់​អ្នក​ហ្នឹង។ ការ​ប្រកួត​ជើង​ទី ១ នៅ​ថ្ងៃ​ទី ៥/៦ មេសា រី​ឯ​ជើង​ទី ២ នៅ​ថ្ងៃ​ទី ១២/១៣ មេសា៕

ការ​ប្រកួត​ខាង​មុខ​រវាង​ក្លឹប Real Madrid-PSG នៅ​វេលា​ទាប​ភ្លឺ ឈាន​ចូល​ថ្ងៃ​ទី ១០ ​មិនា​ខាង​មុខ សម្រាប់​ខ្សែ​ប្រយុទ្ធ Karim Benzema ក៏​មាន​ឱកាស អាច​បង្កើត​កំណត់ត្រា​ថ្មី​សន្លាង​មួយ​ផង​ដែរ នោះ​គឺ​ការ​រក​គ្រាប់​បាល់​ច្រើន​បំផុត​លំដាប់​ទី​ ៣ ប្រចាំ​ប្រវត្តិសាស្រ្ត​ក្លឹប។

នៅ​រដូវ​កាល​នេះ សរុប ៣២ ប្រកួត កីឡាករ​បារាំង រក​បាន ២៧ គ្រាប់​ហើយ​ឲ្យ​ក្លឹប​អធិរាជ​ស ដោយ​គ្រាប់​បាល់​កាល​ប៉ះ Real Sociedad ​ថ្ងៃ​មុន​នោះ បើ​រាប់​ជា​រួម គឺ​ជា​គ្រាប់​បាល់​ទី ៣០៦ ឲ្យ​ក្លឹប។ បច្ចុប្បន្ន​គេ​ឈរ​លេខ​រៀង​ទី ៤ ជា​កីឡាករ​រក​បាន​គ្រាប់​បាល់​ច្រើន​បំផុត​ ហើយ​នៅ​យប់​នេះ​ប្រសិន​អាច​រក​បាន ២ គ្រាប់ នោះ​នឹង​រំកិល​ទៅ​ឈរ​លេខ ៣ ស្មើ​អតីត​ជើង​ចាស់​លោក Alfredo di Stefano។

សម្រាប់​អតីត​កីឡាករ​លោក Di Stefano រក​បាន ៣០៨ គ្រាប់​នៅ​ចន្លោះ​ឆ្នាំ ១៩៥៣ ដល់ ១៩៦៤ ពេល​ឈរ​ជើង​ឲ្យ​ក្លឹប។​ ដូច្នេះ​បើ​ប៉ះ​ក្លឹប​បារាំង Benzema រក​បាន ២ គ្រាប់ នោះ​នឹង​ស្មើ ហើយ​រក​បាន ៣ គ្រាប់​នោះ​នឹង​នាំ​មុខ ដោយ​នៅ​ចាញ់​តែ Raul មាន ៣២៣ គ្រាប់ និង Cristiano Ronaldo មាន ៤៥០ គ្រាប់។

បញ្ជាក់​ថា​ក្រៅ​ពី​នេះ​កីឡាករ​វ័យ ៣៤ ឆ្នាំ​ក៏​មាន​ឱកាស​បំបែក​កំណត់ត្រា​ថ្មី​របស់​ខ្លួន​ផ្សេង​ទៀត​ដែរ នោះ​គឺ​ការ​រក​បាន​គ្រាប់​បាល់​ច្រើន​បំផុត​ប្រចាំ​រដូវ​កាល​ទោល ដោយ​ស្ថិតិ​ចាស់​កាល​ពី ២០១១/១២ គេ​រក​បាន ៣២ គ្រាប់ នេះ Benzema ត្រូវ​ការ ៥ គ្រាប់​ទៀត​ដើម្បី​អាច​ធ្វើ​វា​បាន។ ប្រកួត​បន្តបន្ទាប់​របស់ Real មាន​ដូច​ជា​ការ​ប៉ះ PSG, Mallorca និង Barcelona ជា​ដើម៕ព័ត៌មានកីឡាបាល់ទាត់ថ្មីៗ