Lewandowski ក្រោយ​ផ្លាស់​មក​ក្លឹប​ថ្មី Barcelona

Lewandowski បាន​ប្រាក់​ពលកម្ម​តែ​ប៉ុណ្ណេះ​ទេ ក្រោយ​ផ្លាស់​មក​ក្លឹប​ថ្មី Barcelona

Robert Lewandowski បាន​ប្រកាស​ចាកចេញ​ពី​ក្លឹប FC Bayern Munich មុន​ការ​ផុត​កុងត្រា​រយៈ​ពេល ១២ ខែ ហើយ​ដក​ខ្លួន​មក​ចុះចូល​នៅ​ទ្រនំ​ថ្មី ក្នុង​ទឹកដី​អេស្ប៉ាញ គឺ FC Barcelona តែ​មិន​ទាន់​បញ្ជាក់​អំពី​សុពលភាព​កុងត្រា​នៅ​ឡើយ។

ទោះ​ជា​យ៉ាង​ណា បើ​យើង​ក្រឡេក​ទៅ​មើល​តម្លៃ​ពលកម្ម​របស់​កីឡាករ​សញ្ជាតិ​ប៉ូឡូញ​ឯ​ណោះ​វិញ គឺ​ទាប​ជាង​ដល់​ទៅ ២៥ ភាគរយ ធៀប​នឹង​គ្រា​ឈរ​ជើង​ឲ្យ​ក្លឹប​ចាស់ Bayern។ ក្រៅ​តែ​ពី​ការ​ចាយ​តម្លៃ​ផ្ទេរ ៤២,៥ លាន​ផោន ភាគី​ក្លឹប​អាណាព្យាបាល​ថ្មី ក៏​ព្រមព្រៀង​ការ​ផ្តល់​ប្រាក់​ឈ្នួល ១៥០ ០០០ ផោន/សប្តាហ៍​ផ្សេង​ទៀត​ដែរ។

ទំហំ​នេះ​វា​ទាប​ជាង ២៥ ភាគរយ ឬ​ប្រហែល ៥០ ០០០ ផោន ធៀប​នឹង​ប្រាក់​ឈ្នួល​ចាស់ ដែល Lewandowski រក​បាន​ដល់ ២០០ ០០០ ផោន ជា​កីឡាករ​ស៊ី​ថ្លៃ​បំផុត​ប្រចាំ​ក្របខ័ណ្ឌ Bundesliga។ នេះ​បើ​តាម​សារព័ត៌មាន AS បាន​ចុះ​ផ្សាយ។

គួរ​រំឭក​ថា កីឡាករ​វ័យ ៣៣ ឆ្នាំ បាន​ឈរ​ជើង​ឲ្យ Bayern តាំង​ពី​រដូវ​ក្តៅ ឆ្នាំ ២០១៤ ពោល​សរុប​ការ​បង្ហាញ​ខ្លួន ៣៧៥ ប្រកួត រក​បាន ៣៤៤ គ្រាប់​និង Assist ៧២ លើក។ ជាមួយ​ការ​ផ្លាស់​មក​ក្លឹប​ថ្មី កីឡាករ​ក៏​និយាយ​ពី​ឆន្ទៈ​ច្បាស់ៗ ថា​ចង់​មក​ឈ្នះ​ពាន​រង្វាន់ ហើយ​មាន​ការ​ជឿជាក់ ថា​អ្នកចាត់ការ​លោក Xavi Hernandez នឹង​អាច​ដឹកនាំ​ក្លឹប ឲ្យ​វិល​មក​ឈរ​នៅ​ចំណុច​កំពូល​វិញ នា​ពេល​អនាគត៕ព័ត៌មានកីឡាបាល់ទាត់ថ្មីៗ