Christensen ថា គេចង់ឃើញតារាឆ្នើម Chelsea ២រូបនេះ ផ្លាស់មក Barca

អឺរ៉ុប៖ ខ្សែការពារចំណូលថ្មីរបស់ Barcelona កីឡាករ Andreas Christensen បានបង្ហើបពីឈ្មោះកីឡាកររបស់ Chelsea ពីររូបដែលរូបគេចង់ឲ្យផ្លាស់មកចូលរួមជាមួយក្រុមអ្នកមានបុណ្យដែរ សម្រាប់រដូវកាលថ្មីខាងមុខនេះ។

ជាការពិតណាស់ កាលពីថ្ងៃពុធកន្លងទៅនេះ Barcelona បានប្រកាសជាផ្លូវការអំពីការនាំយក Christensen មករួមក្រុមដោយគ្មានតម្លៃខ្លួន បន្ទាប់ពីកិច្ចសន្យារបស់គេជាមួយ Chelsea បានអស់សុពលភាព ខណៈ រូបគេបានចុះហត្ថលេខាកុងត្រារយៈពេលបួនឆ្នាំនៅឯកីឡដ្ឋាន Camp Nou។

យ៉ាងណាមិញ ក្រោយមកដល់ Barcelona គឺ Christensen ក៏បានចុចឈ្មោះកីឡាករ Chelsea ដែលគេចង់ឲ្យផ្លាស់មកចូលរួមជាមួយគេដែរ ដោយបាននិយាយថា៖ ខ្ញុំបាននិយាយជាមួយ Marcos Alonso និង Cesar Azpilicueta ថា ខ្ញុំចង់លេងឲ្យ Barcelona។ ខ្ញុំចង់ជួបពួកគេជាថ្មីសម្រាប់រដូវកាលថ្មីខាងមុខនេះ៕ព័ត៌មានកីឡាបាល់ទាត់ថ្មីៗ