Casemiro ក្លាយជាតម្រូវការចាំបាច់របស់ Manchester United

Casemiro នឹងក្លាយជាកីឡាករទី៣ដែលទទួលបានប្រាក់ឈ្នួលខ្ពស់បំផុតនៅ Manchester United នៅពេលដែលគេសម្រេចការផ្ទេរទៅចូលរួមទឹកដី Old Trafford ពីក្លិប Real Madrid។​​​​​​​​​​​​​​​​​​​​​​​​​​​​​​​​​​​​​​

កីឡាករប្រេស៊ីលវ័យ៣០ឆ្នាំរូបនេះ មានការភ្ជាប់ទៅនឹងក្លិបបិសាចក្រហម ក្នុងតម្លៃ៦០លានផោន ដើម្បីមកពង្រឹងតំបន់បម្រើក្នុងក្រុមដែលដឹកនាំដោយអ្នកចាត់ការ Erik ten Hag។​​​​​​​​​​​​​​​​​​​​​​​​​​​​​​​​​​​​​​

ហើយដើម្បីអាចទាក់ចិត្ត ខ្សែបម្រើប្រេស៊ីលមកចូលរួមក្រុមរបស់ពួកគេបាន, Man Utd បានចំណាទ្វេរជាពីរលើប្រាក់ឈ្នួលដែល គេទទួលបាននៅក្លិបអេស្ប៉ាញ។​​​​​​​​​​​​​​​​​​​​​​​​​​​​​​​​​​​​​​

Casemiro អាចទទួលបាន ៣៥០,០០០ផោនក្នុងមួយសប្ដាហ៍នៅ Man Utd ដែលនឹងក្លាយជាកីឡាករមានប្រាក់ឈ្នួលខ្ពស់បំផុតនៅក្លិបនេះ, មានតែ Cristiano Ronaldo និង David de Gea ប៉ុណ្ណោះ ដែលមានកម្រិតប្រាក់ឈ្នួលខ្ពស់ជាងគេ។​​​​​​​​​​​​​​​​​​​​​​​​​​​​​​​​​​​​​​

ម្ចាស់អាវលេខ៧របស់ក្រុមបិសាចក្រហម ទទួលបាន ៤៨០,០០០ផោនក្នុងមួយសប្ដាហ៍ ខណៈអ្នកចាំទីអេស្ប៉ាញ De Gea កើបចំណូល ៣៧៥,០០០ផោនក្នុងមួយអាទិត្យ៕​​​​​​​​​​​​​​​​​​​​​​​​​​​​​​​​​​​​​​ព័ត៌មានកីឡាបាល់ទាត់ថ្មីៗ