ប្រវត្តិសាស្ត្រ​ពាន UCL មាន​តែ​កីឡាករ ៤ រូប​នេះ​ទេ

ប្រវត្តិសាស្ត្រ​ពាន UCL មាន​តែ​កីឡាករ ៤ រូប​នេះ​ទេ អាច​រក​បាន​ ១០ គ្រាប់​ត្រឹម​វគ្គ​ចែក​ពូលការ​ប្រកួត​ពាន​រង្វាន់​អឺរ៉ុប UEFA Champions League វគ្គ​ចែក​ពូល ឬ ៣២ ក្រុម យើង​បាន​រក​ឃើញ​ក្រុម​ដែល​នឹង​ត្រូវ​ឡើង​ទៅ​កាន់​វគ្គ​បន្ត​រួច​ជា​ស្រេច​ហើយ ខណៈ​ដែល​កីឡាករ​នាំ​មុខ​ការ​រក​គ្រាប់​បាល់ ក៏​យើង​បាន​រក​ឃើញ​ជា​បណ្តើរៗ​ដែរ ហើយ​ស្ថិតិ​សារ​នេះ គឺ​ឃើញ​ថា​ល្អ​ខ្លាំង។

ដោយ​មាន​កីឡាករ​មួយ​រូប​ថ្មី​ទៀត ដែល​រក​បាន​ដល់​ទៅ ១០ គ្រាប់ ​ត្រឹម​បញ្ចប់​វគ្គ​ចែក​ពូល នោះ​គឺ​ជា​យុវជន​របស់​ក្លឹប Ajax។ បើ​រាប់​ជា​រួម​ក្នុង​ប្រវត្តិសាស្រ្ត​ពាន​អឺរ៉ុប គឺ​មាន​តែ​កីឡាករ ៤ រូប​ប៉ុណ្ណោះ ដែល​អាច​បង្កើត​កំណត់ត្រា​ខាង​លើ​បាន៖

១) Cristiano Ronaldo រដូវ​កាល ២០១៥/១៦ រក​បាន ១១ គ្រាប់

២) Lionel Messi រដូវ​កាល ២០១៦/១៧ រក​បាន ១០ គ្រាប់

៣) Sebastien Haller រដូវ​កាល ២០២១/២២ រក​បាន ១០ គ្រាប់

៤) Robert Lewandowski រដូវ​កាល ២០១៩/២០ រក​បាន ១០ គ្រាប់

អានអត្ថបទបន្ទាប់៖ “កីឡាករ​ព័រទុយហ្គាល់​ល្អ​ដាច់​គេ​នៅ PL មិនមែន Ronaldo ទេ គួរ​តែ​ជា​ម្នាក់​នេះ” – Wilshere

បើ​សួរ​ថា តើ​កីឡាករ​សញ្ជាតិ​ព័រទុយហ្គាល់​រូប​ណា ដែល​បង្ហាញ​ទម្រង់​លេង​ល្អ​ដាច់​គេ​នៅ​លីគ​កំពូល Premier League? ជឿ​ថា គ្នា​យើង​ភាគ​ច្រើន​ប្រហែល​ជា​នឹក​ដល់​ឈ្មោះ Cristiano Ronaldo តែ​យ៉ាង​ណា​ នេះ​វា​ខុស​ស្រឡះ​ពី​ការ​យល់​ឃើញ​របស់​អតីត​កីឡាករ​ជើង​ចាស់​នៅ Arsenal គឺ​លោក Jack Wilshere។

ផ្ទុយ​ទៅ​វិញ Wilshere បែរ​ជា​ចុច​ឈ្មោះ ខ្សែ​បម្រើ​ស្លាប Bernardo Silva នៃ​ក្លឹប Manchester City ដែល​រដូវ​កាល ២០២១/២២ បង្ហាញ​ខ្លួន ១៤ ប្រកួត គេ​រក​បាន ៧ គ្រាប់​ឲ្យ​ក្រុម​លោក Pep Guardiola។ បើ​ទៅ​មើល Ronaldo វិញ ការ​ប្រកួត​នៅ​លីគ ១២ ប្រកួត រក​បាន ៦ គ្រាប់​ឲ្យ Man Utd។

ប្រាប់​ talkSPORT លោក Wilshere និយាយ៖ “របៀប​ដែល Bernardo គេ​យល់​ពី​សាច់​បាល់ នៅ​គ្រប់​តំណែង​លើ​ទីលាន គេ​អាច​ទទួល​បាន​បាល់​នៅ​ពេលវេលា​ដ៏​ត្រឹមត្រូវ ជា​រួម ​គេ​ជា​កីឡាករ​ព័រទុយហ្គាល់​ល្អ​បំផុត​នៅ Premier League សម្រាប់​ការ​យល់​ឃើញ​របស់​ខ្ញុំ។

លោក​បន្ត៖ ពេល​នេះ គឺ Bernardo Silva គេ​នាំ​មុខ Ronaldo ហើយ តែ​កុំ​ច្រឡំ នេះ​ខ្ញុំ​ថា​គេ​លេង​ល្អ​ជាង មិនមែន​សម្រេច​សមិទ្ធផល​ជោគជ័យ​នាំ​មុខ​ Ronaldo នោះ​ទេ រួច​ប្រសិន​មាន​ការ​ប្រកួត​នៅ​ថ្ងៃ​ស្អែក គឺ​ខ្ញុំ​នឹង​ដាក់ Bernardo ឲ្យ​ចូល​លេង​ជានិច្ច៕ព័ត៌មានកីឡាបាល់ទាត់ថ្មីៗ