កីឡាករមួយរូបថា នឹងព្យាយាមឈ្នះ UCL ៥ទៅ៦ដងជាមួយ Real Madrid

បន្ទាប់ពីរកគ្រាប់បាល់ជ័យជម្នះក្នុងការប្រកួតផ្ដាច់ព្រ័ត្រ UEFA Champions League កាលពីចុងខែឧសភារួចមក ខ្សែប្រយុទ្ធវ័យក្មេង Vinicius Junior បានកំណត់គោលដៅឈ្នះពានបន្ថែមជូន Real Madrid។​​​​​​​​​​​​​​​​​​​​​​​​​​​​​​​​​​​​​​

ខ្សែប្រយុទ្ធប្រេស៊ីលរូបនេះបាននិយាយថា៖ “វាពិតជាសំខាន់ ក្នុងការព្យាយាមឈ្នះឱ្យបានច្រើនប្រកួតតាមដែលអាចធ្វើទៅបាន ជាពិសេសប្រសិនបើអ្នកឈ្នះការប្រកួតដែលសំខាន់ដូច Super Cup​។​​​​​​​​​​​​​​​​​​​​​​​​​​​​​​​​​​​​​​

យើងនឹងធ្វើគ្រប់យ៉ាង ដែលអាចធ្វើបាន ដើម្បីទទួលជោគជ័យពានរង្វាន់ដំបូង ដែលមកដល់ក្នុងរដូវកាលនេះ។​​​​​​​​​​​​​​​​​​​​​​​​​​​​​​​​​​​​​​

លើសពីនេះទៅទៀត កីឡាករល្បឿនលឿន និងជំនាញញាក់បាល់រូបនេះ បានលើកឡើងថា គេអាចរួមចំណែកឱ្យ Real Madrid ឈ្នះពានជាច្រើនបន្ថែមទៀត ហើយកំណត់គោលដៅឈ្នះ Champions League ៥ទៅ៦ដងនៅក្នុងអាជីពរបស់ខ្លួន។​​​​​​​​​​​​​​​​​​​​​​​​​​​​​​​​​​​​​​

Vinicius បានបន្ថែមថា៖ “ខ្ញុំសរសើរកីឡាករជាច្រើន ដែលទទួលបានជោគជ័យយ៉ាងខ្លាំងនៅក្លិបនេះ ជាក្លិបធំបំផុតនៅលើលោក។ តាមពិតទៅ ខ្ញុំចង់រក្សាការឈ្នះនៅទីនេះ ហើយលេងបានយូរដើម្បីឈ្នះដូចពួកគាត់ដែរ។​​​​​​​​​​​​​​​​​​​​​​​​​​​​​​​​​​​​​​

ការឈ្នះ Champions League ៥ទៅ៦ដង និងបង្ហាញឥទ្ធិពលដូចដែលកីឡាករល្អៗបំផុត ធ្លាប់ធ្វើបានពេលពាក់អាវReal Madrid៕​​​​​​​​​​​​​​​​​​​​​​​​​​​​​​​​​​​​​​ព័ត៌មានកីឡាបាល់ទាត់ថ្មីៗ