ទោះ​ឈ្នះ ៣-១ តែ​គ្រូ​ធំ Ten Hag ស្រែ.ក​ថា​ឲ្យ​កីឡាករ Man Utd

នៅ​ឯ​ទឹកដី​ប្រទេស​អូស្រ្តាលី ក្នុង​ជំនួប​មិត្តភាព ក្លឹប​បិសាច​ក្រហម Manchester United បាន​យក​ឈ្នះ ៣-១ ទៅ​លើ Crystal Palace។ ដ្បិត​បើ​បន្ត​ការ​យក​ឈ្នះ ៣ ប្រកួត​ជាប់ៗ​គ្នា តែ​ងាក​ទៅ​ការ​យល់​ឃើញ​របស់​លោក Erik ten Hag នៅ​តែ​មិន​ពេញ​ចិត្ត ហើយ​គិត​ថា​ក្រុម​ត្រូវ​តែ​មាន​ការ​ពង្រឹង​បន្ថែម ត្រៀម​សម្រាប់​រដូវ​កាល​ថ្មី​ចូល​មក​ដល់​នៅ​ពេល​ខាង​មុខ។

ដូច​ការ​ប្រកួត​យប់មិញ​នៅ​នាទី ៨៧ បើ​ទោះ​បី​នាំ​មុខ​លទ្ធផល ៣-១ កៀក​បញ្ចប់​ការ​ប្រកួត​ទៅ​ហើយ តែ​ភាព​តឹងរ៉ឹង​ទៅ​លើ​ការ​លេង​របស់​កីឡាករ គឺ​អ្នកចាត់ការ​សញ្ជាតិ​ហូឡង់ នៅ​តែ​ច្បាស់លាស់ ហើយ​បាន​ស្រែ.ក​ថា​ឲ្យ David de Gea ក្រោយ​មិន​រត់​មក​ទទួល​យក​បាល់​ពី​មិត្ត​រួម​ក្រុម ហើយ​បែរ​ជា​ចាំ​បាល់​មក​ដល់​ជើង សឹម​ធ្វើ​ការ​ផ្តាច់​ចោល​ទៅ​លើ។

ពេល​នោះ Aaron Wan-Bissaka បាន​បញ្ជូន​បាល់​ថយ​ក្រោយ​មក​ឲ្យ De Gea តែ​អ្នកចាំទី​សញ្ជាតិ​អេស្ប៉ាញ បែរ​ជា​ចាំ​បាល់​ហូរ​មក​ដល់​ជើង ពោល​មិន​បាន់​រត់​ទៅ​យក​បាល់​ឲ្យ​បាន​លឿន និង​បញ្ជូន​ទៅ​ខ្សែ​ការពារ​ដទៃ​ផ្សេង​ទេ នេះ​បើ​យឺត​បន្តិច កីឡាករ​គូ​ប្រជែង​អាច​ចូល​មក​ឆ.ក់​យក​បាល់​ទាន់​មិន​ខាន។ ភ្លាម​នោះ លោក Ten Hag ក៏​ស្រែ.ក​ថា “David de Gea តើ​អ្នក​ឯង​កំពុង​ធ្វើ​រឿង​ឆ្កួ.ត​ឡ.ប់​អី។

ន័យ​នេះ Ten Hag ចង់​ឲ្យ De Gea មាន​ការ​ផ្លាស់ប្តូរ ពោល​មិន​ចង់​ឲ្យ​ទម្លាប់​ដូច​កាល Jose Mourinho ឬ David Moyes ដឹកនាំ ដែល​កីឡាករ​ទម្លាប់​តែ​បាន​បាល់​ផ្តាច់​ចោល​នោះ​ទេ ព្រោះ​នាំ​ឲ្យ​បាត់ Possession ឬ​ការ​គ្រប់គ្រង​បាល់។ មួយ​ទៀត​ ចង់​ឲ្យ De Gea រៀន​ប្តូរ​ខ្លួន​មក​ជា Sweeper Keepers ខ្លះ ពោល​ហ៊ាន​រត់​ចេញ​ពី​ក្នុង​ប្រអប់ ដើម្បី​មក​យក​បាល់ ជា​ជាង​ចាំ​បាល់​ហូរ​មក​ដល់​ជើង​របស់​ខ្លួន ទើប​ធ្វើ​ការ​ផ្តាច់​ចោល​ទាំង​មិន​ចង់​ទាន់​ស្ថានការណ៍៕ព័ត៌មានកីឡាបាល់ទាត់ថ្មីៗ