ខឹងចាញ់ Real Madrid កីឡាករ Man City ម្នាក់ នឹងមិនមើល UCL វគ្គផ្ដាច់ព្រ័ត្រទេ

Ilkay Gundogan នឹងធ្វើឱ្យខ្លួនឯងរវល់ដោយមិនមើលការប្រកួតរវាង Liverpool និង Real Madrid ក្នុងវគ្គផ្ដាច់ព្រ័ត្រ UEFA Champions League ដោយសារគេមិនសប្បាយចិត្តនៅពេលដែល Manchester City ធ្លាក់ចេញពីការប្រកួត។

ក្រុមមេឃខៀវធ្លាក់ត្រឹមវគ្គពាក់កណ្ដាលផ្ដាច់ព្រ័ត្រ កាលពីសប្ដាហ៍មុន ជាមួយនឹងលទ្ធផលសរុបទាំងពីរជើង ៦-៥ ក្រោមថ្វីជើង Real Madrid នៅកីឡដ្ឋាន Santiago Bernabeu។

ហើយខ្សែបម្រើ Gundogan របស់ក្រុម Man City មិនមានបំណងមើលការប្រកួត ផ្ដាច់ព្រ័ត្រដែលធ្វើនៅទីក្រុងប៉ារីសនោះទេ។

កីឡាករអាល្លឺម៉ង់រូបនេះ បានថ្លែងប្រាប់ Daily Mail ថា៖ “ប្រសិនបើខ្ញុំគិតពីការប្រកួតផ្ដាច់ព្រ័ត្រនៅប៉ារីស ខ្ញុំនឹងខឹ.ង។ ខ្ញុំនឹងព្យាយាមធ្វើអ្វីផ្សេងនៅថ្ងៃនោះ។ គ្មានអ្វីដែលអាចជួយបានឡើយ ក្រៅពីពេលវេលា ។

វានឹងក្លាយជាភាពងាយស្រួល ទោះបីជាអ្នកដឹងថា អ្នកបានខកខានឱកាសដ៏ធំក្នុងការលើកពានដែលយើងមានលទ្ធភាពអាចឈ្នះបាន៕ព័ត៌មានកីឡាបាល់ទាត់ថ្មីៗ