Real Madrid អវត្តមានកីឡាករ៤រូប មុនទទួលភ្ញៀវ Chelsea នៅជើងទី២

Real Madrid មានប្រៀបក្នុងការទទួលបានឱកាសឡើងទៅកាន់វគ្គ៤ក្រុមចុងក្រោយ​ UEFA Champions League ខណៈត្រៀមសម្រាប់ការប្រកួតជើងទី២ទល់នឹង​ Chelsea នៅកីឡដ្ឋាន Santiaogo Bernabeu។ ក្រុមអធិរាជស មិនសូវមានក្ដីបារម្ភខ្លាំងនោះទេ ដោយពួកគេទទួលបានជ័យជម្នះ ៣-១ ក្នុងជើងទី១ កាលពីសប្ដាហ៍មុន។

ប៉ុន្ដែពួកគេ នៅមានការងារដែលត្រូវធ្វើនៅទឹកដីរបស់ខ្លួន មុនពេលពួកគេអាចអបអរក្នុងការឈានដល់វគ្គពាក់កណ្ដាលផ្ដាច់ព្រ័ត្របាន។

កីឡាករសំខាន់ៗមួយចំនួនដែលមានបញ្ហាក្នុងការប្រកួតកន្លងថ្មីៗនេះ​ អាចត្រលប់មកវិញបានដោយ Ferland Mendy អាចលេងវិញបាន ក្រោយខកខានក្នុងការប្រកួតទល់នឹង​ Getafe កាលពីចុងសប្ដាហ៍។

ដោយឡែក​ Luka Modric ក៏មកវិញបានផងដែរ ដែលពេលនេះ Real Madrid មានកីឡាករអវត្តមានតែ៤រូបប៉ុណ្ណោះ សម្រាប់ការទទួលក្រុមភ្ញៀវ​ Chelsea។ Eden Hazard ត្រូវនៅក្រៅទីលាន ដោយសារការវះកាត់ ខណៈ​ Jesus Vallejo មិនអាចចូលរួមបាន ព្រោះគេបានឆ្លងកូវីដ១៩។

រីឯ Miguel Gutierrez អវត្តមានដោយសាររបួស ហើយ Isco ក៏មិនបានចូលរួមដែរដោយសារមានការប៉ះទង្គិច។ លោក Carlo Ancelotti ទំនងសប្បាយចិត្តចំពោះជម្រើសកីឡាករដែលលោកមាន៕

អានអត្ថបទបន្ទាប់៖ Saka ថា​កីឡាករ​ក្រៅ​លីគ​រូប​នេះ ជា​គូ​ប្រជែង​ដ៏​តាន.តឹង និង​ធ្លាប់​ធ្វើ​ឲ្យ​ខ្លួន​អាម៉ា.ស់​បំផុត

ខ្សែ​ប្រយុទ្ធ​វ័យ​ក្មេង​ Bukayo Saka ដ្បិត​បើ​ទើប​ស្ថិត​នៅ​អាយុ ២០ ឆ្នាំ ក៏​ប៉ុន្តែ​បទពិសោធន៍​ប្រកួតប្រជែង​ទល់​កំពូល​កីឡាករ​ទាំង​ក្នុង​និង​ក្រៅ​លីគ គឺ​ឆ្លង​កាត់​រាប់​ភ្លេច​ហើយ។ ថ្មីៗ​នេះ កីឡាករ​អង់គ្លេស​បាន​ទម្លាយ​អំពី​ឈ្មោះ គូ​ប្រជែង​ដែល​គិត​ថា​ពិបាក​នឹង​តតាំង​បំផុត ហើយ​ម្នាក់​នោះ បែរ​ជា​កីឡាករ​នៅ​ក្របខ័ណ្ឌ La Liga។

នោះ​គឺ​ខ្សែ​បម្រើ Sergio Busquets របស់​ក្លឹប Barcelona ដែល​អ្នក​ទាំង​ពីរ​មាន​ឱកាស​ប៉ះ​គ្នា លើ​ទីលាន​កាល​ពី​ជំនួប​មិត្តភាព​ខែ​កក្កដា ឆ្នាំ ២០១៩ នៅ​ពាន​រង្វាន់ Joan Gamper Trophy ដែល Arsenal លេង​ចាញ់ Barcelona ១-២។

ប្រាប់​ទស្សនាវដ្ដី GQ Magazine យុវជន​ Saka និយាយ៖ “ជា Sergio Busquets របៀប​ដែល​គាត់​បង្វែរ​ដាន​ខ្ញុំ​លើ​ទីលាន គឺ​ពិត​ជា​អស្ចារ្យ ពេល​មួយ​នោះ ខ្ញុំ​បាន​រត់​បណ្តើរ​បាល់​សំដៅ​ទៅ​គាត់ ខ្ញុំ​ព្យាយាម​ប.ន្លំ​គាត់​ដោយ​ផ្លាស់​ចង្វាក់​ពី​ម្ខាង​ទៅ​ម្ខាង តែ​គាត់​នៅ​តែ​អាច​ចាប់​ចង្វាក់​ខ្ញុំ​បាន ហើយ​ពិត​ជា​ធ្វើ​ឲ្យ​ខ្ញុំ​រង​ភាព​អា.ម៉ាស់​បំផុត។

កីឡាករ​របស់​ក្លឹប Arsenal ខាង​លើ នៅ​រដូវ​កាល​នេះ បង្ហាញ​ខ្លួន ៣០ ប្រកួត រក​បាន ៩ គ្រាប់​និង Assist ៥ លើក។ ពេលវេលា​នេះ គេ​រាប់​បាន​ជា​គ្រាប់​ពេជ្រ​របស់​លោក Mikel Arteta ខណៈ​ដែល​សុពលភាព​កុងត្រា នឹង​ត្រូវ​ផុត​នៅ​ចុង​ខែ​មិថុនា ឆ្នាំ ២០២៤ ​ឯ​ណោះ៕ព័ត៌មានកីឡាបាល់ទាត់ថ្មីៗ