មកស្គាល់ក្រុមកីឡាករថ្លៃបំផុតនៅ UCL សម្រាប់វគ្គ ១៦ ក្រុមចុងក្រោយ

ការប្រកួតដណ្ដើមពានរង្វាន់​អឺរ៉ុប UEFA Champions League នៅវគ្គ ១៦ ក្រុមចុងក្រោយជើងទី ១ កំពុងនឹងប្រព្រឹត្តទៅយ៉ាងរលូន ខណៈការប្រកួតបន្ទាប់នឹងធ្វើឡើងនៅថ្ងៃទី ២៣​ កុម្ភៈខាងមុខ ដែលជាការប្រកួតរវាងក្រុម Chelsea/LOSC និង Villareal/Juventus។

មុននឹងឈានដល់ការប្រកួតខាងលើ CamboTrends សូមបង្វែរចំណាប់អារម្មណ៍ប្រិយមិត្តឲ្យមកស្គាល់នូវក្រុមដែលកំពុងលេងនៅ​ UCL ទាំង ១៦ ក្រុមដែលមាន​ប្រព័ន្ធកីឡាករថ្លៃបំផុតនាពេលនេះ ខណៈ Real Madrid បែរជាមិនជាប់សូម្បី Top 5៖

Red Bull Salzburg មាន​ប្រព័ន្ធកីឡាករ​តម្លៃ ១៨៣,២០ លានផោន

Lille មាន​ប្រព័ន្ធកីឡាករ​តម្លៃ ២១៥,៣៧ លានផោន

Sporting CP មាន​ប្រព័ន្ធកីឡាករ​តម្លៃ ២២៦,៥៣ លានផោន

Benfica មាន​ប្រព័ន្ធកីឡាករ​តម្លៃ ២៤៣,៤៥ លានផោន

Ajax មាន​ប្រព័ន្ធកីឡាករ​តម្លៃ ៣២៧,៨៧ លានផោន

Villareal មាន​ប្រព័ន្ធកីឡាករ​តម្លៃ ៣៣០,៣០ លានផោន

Inter Milan មាន​ប្រព័ន្ធកីឡាករ​តម្លៃ ៤៩៥,៨១ លានផោន

Juventus មាន​ប្រព័ន្ធកីឡាករ​តម្លៃ ៥០៩,៧៦ លានផោន

Atletico Madrid មាន​ប្រព័ន្ធកីឡាករ​តម្លៃ ៥៨១,៨៥ លានផោន

Real Madrid មាន​ប្រព័ន្ធកីឡាករ​តម្លៃ ៧០២ លានផោន

Manchester United មាន​ប្រព័ន្ធកីឡាករ​តម្លៃ ៧១១,២៣ លានផោន

Bayern Munich មាន​ប្រព័ន្ធកីឡាករ​តម្លៃ ៧៣៤,១៨ លានផោន

Chelsea មាន​ប្រព័ន្ធកីឡាករ​តម្លៃ ៧៩៤,៧០ លានផោន

Liverpool មាន​ប្រព័ន្ធកីឡាករ​តម្លៃ ៨០០,១០ លានផោន

Paris Saint-Germain មាន​ប្រព័ន្ធកីឡាករ​តម្លៃ ៨១៨,៦០ លានផោន

Manchester City មាន​ប្រព័ន្ធកីឡាករ​តម្លៃ ៨៩២,១៧ លានផោន៕

អានអត្ថបទបន្ទាប់៖ បើចង់ឲ្យ Kane បន្តលេងនៅ​ Spurs ក្លឹបអាណាព្យាបាលត្រូវធ្វើតាមលក្ខខណ្ឌមួយនេះ

កន្លងមក គឺធ្លាប់​មាន​លឺចចាមអារ៉ាម​អំពីការចង់ចាកចេញរបស់ Harry Kane ទៅកាន់ទ្រនំថ្មីដែលអាចមានលទ្ធភាពជួយគេឲ្យឈ្នះពានរង្វាន់សម្រាប់អាជីពរបស់ខ្លួន ដ្បិតចាប់តាំងពីចូលរួមជាមួយ Tottenham Hotspur តាំងពីឆ្នាំ ២០១៣ មកទល់ពេលនេះ កីឡាករអង់គ្លេសនៅមិនទាន់ទទួលបានពានរង្វាន់ជាមួយក្រុមនេះនៅឡើយ។

យ៉ាងណា ស្ថានការណ៍ហាក់រាងស្ងប់ស្ងាត់បន្តិច ក្រោយ Spurs យកបានគ្រូបង្វឹកបទពិសោធន៍រាប់ឆ្នាំ Antonio Conte ដែលធ្លាប់ជួយ Inter Milan លើកពាន Serie A កាលពីរដូវកាលមុន ដែលល្មមអាចផ្ដល់ក្ដីសង្ឃឹមជាថ្មីជូនដល់ខ្សែប្រយុទ្ធវ័យ ២៨ ឆ្នាំម្នាក់នេះ។

បើយោងតាមការចុះផ្សាយពី The Sun បានឲ្យដឹងថា Kane នឹងព្រមបន្តកុងត្រាថ្មីជាមួយក្រុមមាន់ខ្នាយមាស លុះត្រាតែពួកគេយល់ព្រមលក្ខខណ្ឌមួយ នោះគឺបើកដៃឲ្យគ្រូបង្វឹក Conte មានលទ្ធភាពគ្រប់គ្រាន់ក្នុងការតាមទិញកីឡាករមានសមត្ថភាពចូលក្នុងក្រុម ដើម្បីអាចធានាបានថា អាចប្រជែងពាន Premier League បាន។

រភពដដែលបន្ថែមទៀតថា បើសិនជាក្នុងករណី Kane យល់ថា ក្រុមគ្មានសង្ឃឹមក្នុងការឈ្នះពានអ្វី នោះរូបគេនឹងចាកចេញទៅលេងនៅទ្រនំថ្មី ស្របពេលលឺល្ហៀងៗថា កីឡាករអង់គ្លេសមាន​បំណងចង់ទៅចូលរួមជាមួយអតីតគ្រូបង្វឹក Mauricio Pochettino បើសិនជាដំណឹងនៃការវិលមកដឹកនាំ Manchester United របស់អ្នកចាត់ការ PSG ក្លាយជាការពិត៕ព័ត៌មានកីឡាបាល់ទាត់ថ្មីៗ