Atletico Madrid ចង់​នាំ​ចូល Ronaldo

Atletico Madrid ចង់​ជ្រេ​ចេញ​កីឡាករ​រូប​នេះ ដើម្បី​ទុក​ចន្លោះ នាំ​ចូល Ronaldo

Cristiano Ronaldo បើ​តាម​ដំណឹង​ចុង​ក្រោយ នៅ​តែ​ចាំ​អ៊ុត​មើល​ស្ថានការណ៍​រវាង​ក្លឹប Atletico Madrid មួយ​ទៀត​ប៉ុណ្ណោះ ខណៈ​ពេលវេលា​នៃ​ទីផ្សារ​ដោះដូរ ក៏​នឹង​បើក​ទ្វារ​ត្រឹម​រយៈ​ពេល ១ សប្តាហ៍​ទៀត។ កន្លង​ទៅ​ថ្មីៗ​ក៏​មាន​ការ​ចុះ​ផ្សាយ​ថា ក្លឹប​អាណាព្យាបាល Man Utd ព្រម​បើក​ផ្លូវ​ឲ្យ CR7 ដើរ​ចេញ​ទៅ​បាន តែ​ត្រឹម​លក្ខខណ្ឌ​ខ្ចី​ជើង​ប៉ុណ្ណោះ។

តាម​សារព័ត៌មាន The Times បាន​ឲ្យ​ដឹង​ថា ខាង​ភាគី​ក្លឹប​ដឹកនាំ​ដោយ​លោក Diego Simeone ក៏​កាន់​តែ​ចង់​ឲ្យ​ការ​ផ្ទេរ​ចូល Ronaldo កើត​ឡើង​ទៅ​បាន​ដែរ តែ​មិន​មាន​ចន្លោះ លើ​ការ​ចំណាយ​ថ្លៃ​ពលកម្ម ដូច្នេះ​ហើយ​សម្រេច​ចង់​ផ្ទេរ​ចេញ Antoine Griezmann មុន​ការ​ផុត​កុងត្រា​ខ្ចី​ជើង​ពី​ក្លឹប Barcelona។ បញ្ជាក់​ឲ្យ​ដឹង តាម​សុពលភាព​កីឡាករ​បារាំង​ត្រូវ​ឈរ​ជើង​ឲ្យ​ក្រុម​ក្រហម​ស ពេញ​មួយ​រដូវ​កាល​ថ្មី​ទៀត តែ​ឥឡូវ​ចង់​ជ្រេ​ចេញ​មុន​ការ​បើក​រដូវ​កាល​តែ​ម្តង។

ក៏​ដោយសារ​តែ​ទំហំ​ចំណាយ​លើ​ថ្លៃ​ពលកម្ម បើ​ញាត់ Ronaldo បន្ថែម នោះ​ប្រាកដ​នឹង​លើស​ច្បា.ប់​ចំណាយ​មិន​ខាន ដូច្នេះ​មាន​តែ​ដក​ចេញ Griezmann ទើប​អាច​សល់​ចន្លោះ យក​កីឡាករ​ព័រទុយហ្គាល់​មក​ចូលរួម​បាន។

បើ​ផ្ទេរ​មក At Madrid សម្រាប់​កីឡាករ​វ័យ​ ៣៧ ឆ្នាំ នឹង​អាច​បន្ត​ឈរ​ជើង​នៅ​ពាន​រង្វាន់​អឺរ៉ុប UEFA Champions League ដូច​ការ​ចង់​បាន ជា​ជាង​ការ​លេង​ពាន​លំដាប់​ទី​ពីរ Europa League នៅ​ក្លឹប​អាណាព្យាបាល Man Utd។ រំឭក​ស្ថិតិ​រដូវ​កាល​ចាស់​បន្តិច Ronaldo រក​បាន ៨ គ្រាប់​និង Assist ៧ លើក នៅ​ការ​បង្ហាញ​ខ្លួន ៣៨ ប្រកួត៕ព័ត៌មានកីឡាបាល់ទាត់ថ្មីៗ